ການປູກແລະບົວລະບັດຜັກບົ່ວ

ການປູກແລະບົວລະບັດຜັກບົ່ວ

ລັກຊະນະທົ່ວໄປ
+ຜັກບົ່ວເປັນພືດລົ້ມລຸກ, ມີຮາກຝອຍ, ລະບົບຮາກຕື້ນ, ເປັນພືດຕະກຸນດຽວກັບຜັກທຽມແຕ່ຫົວຈະບໍ່ຂະຫຍາຍໃຫຍ່
+ຫົວມີສີຂາວ, ເປັນລັກສະນະແຕກກໍ, ໃບມີສີຂຽວແກ່ ເປັນທໍ່, ປາຍໃບແຫຼມ, ຄວາມຍາວຂອງໃບແມ່ນຂື້ນກັບແນວພັນແລະສະພາບແວດລ້ອມທີ່ປູກ
+ຜັກບົວຂະຫຍາຍຕົວດີໃນດິນຜຸຜົງ, Ph ຂອງດິນແມ່ນປະມານ 5,8 – 6,5. ອຸນຫະພູມທີ່ເໝາະສົມແມ່ນ 15–25 ອົງສາ
+ສາມາດປູກຜັກບົວໃດ້ທຸກລະດູ,ແຕ່ໃນລະດູຝົນຄວນປູກໃນເຮືອນຮົ່ມ
+ສາມາດເອົາທຸກສ່ວນຂອງຜັກບົວມາປຸງແຕ່ງອາຫານໃດ້ ບໍ່ວ່າຈະເປັນໃບ, ຫົວ ແລະຮາກຂອງຜັກບົວ

ອຸປະກອນ
ຈົກ, ຄາດ, ແນວພັນ, ເຝືອງ, ຝຸ່ນຄອກຫຼືປຸ໋ຍໝັກແລະປຸ໋ຍເຄມີສູດ 15-15-15 ແລະ 20-10-10 ຫຼື(16-8-8)ກໍ່ໃດ້

ການກຽມແນວພັນ
+ຖ້າເປັນຫົວກໍ່ໃຫ້ອະນາໄມ ແກະກາບແຫ້ງອອກ, ຕັດຮາກເກົ່າອອກໜ້ອຍໜຶ່ງແລະຕັດບ່ອນປາຍຫົວອອກໜ້ອຍໜຶ່ງໃຫ້ມັນແຕກໜໍ່ອອກໃໝ່
+ຖ້າເປັນໃນກໍ່ໃຫ້ເອົາໃນແຊ່ນ້ຳໃວ້ກ່ອນປະມານ 12 ຊົວໂມງແລ້ວເອົາລົງໜານກ້າ, ເມື່ອກ້າໃຫຍ່ກໍ່ໃຫ້ຍ້າຍໄປປູກໃສ່ໜານທີ່ກຽມໃວ້

ການກຽມດິນ
+ເລີ່ມຈາກການໃຊ້ຈົກຂຸດດິນໃຫ້ເລິກປະມານ 6-8 ນິ້ວ ແລ້ວຕາກດິນໃວ້ 5-7ວັນ
+ອະນາໄມຫຍ້າອອກໃຫ້ໝົດ ຈາກນັ້ນສັບດິນໃຫ້ມຸ່ນພໍປະມານແລ້ວໃສ່ຝຸ່ນຄອກຫຼືປຸ໋ຍໝັກໃນອັດຕາສ່ວນ 1,5-2 ກິໂລກຼາມຕໍ່ຕາແມັດ ແລ້ວຄົນໃຫ້ເຂົ້າກັບດິນຢາງສະໝ່ຳສະເໝີ
+ຄູນໜານຂື້ນໃຫ້ສູງປະມານ 5 ນິ້ວແລ້ວປັບໜ້າດິນໃຫ້ພຽງ
+ຄວາມກ້ວາງຂອງໜານທີ່ເໝາະສົມແມ່ນ 1 ແມັດ, ສ່ວນຄວາມຍາວແມ່ນແລ້ວແຕ່ສະພາບພື້ນທີ່ຂອງສວນ, ແຕ່ເໝາະທີ່ສຸດແມ່ນ 30 ແມັດ

ການປູກ
+ໃລຍະຫ່າງທີ່ເໝາະສົມແມ່ນ 10x10cm
+ຖ້າເປັນຫົວກໍ່ໃຫ້ຝັງລົງດິນເປັນແຖວ ບໍ່ໃຫ້ເລິກເກີນໄປພໍໃຫ້ສົ້ນຫົວຜັກພຽງກັບໜ້າດິນ
+ຖ້າເປັນເບ້ຍກໍ່ໃຫ້ເອົາມາປູກໃສ່ເປັນແຖວ ຂົ່ມດິນອ້ອມກົກໃຫ້ແໜ້ນ
+ເອົາເຝືອງປົກຫວ່າງແຖວໃວ້ເພື່ອຮັກສາຄວາມຊຸ່ມແລະປ້ອງກັນວັດຊະພືດ, ປ້ອງກັນບໍ່ໃຫ້ຂີ້ດິນຝົ້ງໃສ່ໃບເວລາຫົດຜັກ

ການບົວລະບັດຮັກສາ
ການຫົດນ້ຳ
ຂື້ນກັບລະດູທີ່ປູກ:
ຖ້າເປັນລະດູແລ້ງແມ່ນໃຫ້ຫົດນ້ຳມື້ລະສອງເທື່ອຄືຕອນເຊົ້າແລະຕອນແລງ
ແຕ່ໃນລະດູຝົນຄວນປູກໃນເຮືອນຮົ່ມແລະໃຫ້ຫົດມື້ລະເທື່ອຄືຫົດແຕ່ຕອນແລງ ເພາະໃນລະດູຝົນດິນຈະມີຄວາມຊຸ່ມຫຼາຍ ຖ້າຫົດມື້ລະສອງເທື່ອຈະເຮັດໃຫ້ຜັກເປັນໂຣກເນົ່າແລະເປື່ອຍ

ການໃສ່ປຸ໋ຍ
+ຮອງພື້ນດ້ວຍຝຸ່ນຄອກຫຼືປຸ໋ຍໝັກໃນອັດຕາສ່ວນ 1,5-2 ກິໂລກຼາມຕໍ່ຕາແມັດ ( ໃນໜຶ່ງໄລ່ຈະໃຊ້ຝຸ່ນຄອກຫຼືປຸ໋ຍໝັກປະມານ 2,4 – 3,2 ໂຕນ. ຫຼື 15 – 20 ໂຕນຕໍ່ເຮັກຕາ ) ແລະປຸ໋ຍເຄມີສູດ 15-15-15 ໃນປະລິມານ 7 – 10 ກິໂລກຼາມຕໍ່ 1 ໄລ່(ອີງຕາມຄວາມອຸດົມສົມບູນຂອງດິນ) . ການໃສ່ຝຸ່ນຄອກຫຼືປຸ໋ຍໝັກຈະຊ່ວຍປັບປຸງໂຄງສ້າງຂອງດິນ ເຮັດໃຫ້ນ້ຳແລະອາດກາດໃນດິນຖ່າຍເທໃດ້ດີ
+ຈາກນັ້ນ 2 ອາທິດກໍ່ໃຫ້ໃສ່ປຸ໋ຍສູດ 20-10-10 ຫຼື 16-8-8 ອີກເທື່ອໜຶ່ງ ໃນປະລິມານ 7 – 10 ກິໂລກຼາມຕໍ່ 1 ໄລ່

ການຫຼົກຫຍ້າແລະພວນດິນ
ໝັ່ນຫຼົກຫຍ້າອອກຈາກໜານເປັນປະຈຳ ບໍ່ປ່ອຍໃຫ້ຫຍ້າໃຫຍ່ແຂ່ງກັບຜັກ ເພາະມັນຈະຍາດອາຫານ
ພວນດິນອາທິດລະ 1-2 ເທື່ອເພື່ອບໍ່ໃຫ້ດິນແໜ້ນເກີນໄປ ແຕ່ຄວນລະວັງບໍ່ໃຫ້ກະທົບເຖິງຮາກຜັກຫຼາຍ ເພາະຈະເຮັດໃຫ້ຜັກເຕີບໃຫຍ່ບໍ່ເຕັມທີ່

ໂຣກແລະສັດຕູພືດ
+ໂຣກຫົວເນົ່າ ແລະ ໃບປື່ອຍ: ຊຶ່ງເກີດຈາກດິນມີຄວາມຊຸ່ມຫຼາຍເກີນໄປ. ວິທີປ້ອງກັນແລະແກ້ໃຂແມ່ນ ກຽມດິນໃຫ້ດີ່ດັ່ງທີ່ບອກໃນຂັ້ນຕອນການກຽມດິນ, ຫຼຸດຜ່ອນການຫົດນ້ຳໂດຍສັງເກດເບິ່ງດິນ ຖ້າດິນຊຸ່ມຫຼາຍກໍ່ບໍ່ຫົດ ຖ້າດິນແຫ້ງຈຶ່ງຄ່ອຍຫົດ ແລະພວນດິນເພື່ອໃຫ້ນ້ຳແລະອາກາດຖ່າຍເທໃດ້ດີ
+ໃບງໍ, ແຫ້ງຫ່ຽວ ແລະ ໃຫຍ່ຊ້າ: ສາເຫດຫຼັກແມ່ນໂຄງສ້າງດິນບໍ່ດີ, ດິນແໜ້ນເກີນໄປ, ອາຫານໃນດິນບໍ່ພຽງພໍ, ພືດຂາດນ້ຳ ຫຼື ເກີດຈາກການເຂົ້າທຳລາຍຂອງເພ້ຍໄຟ. ວິທີປ້ອງກັນແລະແກ້ໃຂແມ່ນ ກຽມດິນໃຫ້ດີ່ກ່ອນປູກ, ໝັ່ນຫຼົກຫຍ້າແລະພວນດິນ, ໃສ່ປຸ໋ຍເມື່ອຜັກອາຍຸໃດ້ 10 – 14 ວັນ, ຮັກສາຄວາມຊຸ່ມຂອງດິນໂດຍການໃຊ້ເຝືອງປົກຕາມຫວ່າງ ຖ້າພົບເຫັນເພ້ຍໄຟກໍ່ໃຫ້ສີດຢາ (ວິຊາການໃນທ້ອງຖິ່ນຈະໃຫ້ຄຳປຶກສາໃດ້ດີເລື້ອງຢາຂ້າສັດຕູພືດ)
+ໂຣກແລະສັດຕູພືດອື່ນໆທີ່ມີໃນທ້ອງຖິ່ນທີ່ປູກ...
+“ການປູກພືດໝູນວຽນຈະເປັນວິທີປ້ອງກັນແລະແກ້ໃຂທີ່ດີທີ່ສຸດໃນການປູກຜັກ ຕົວຢ່າງເມື່ອເຮົາເກັບກ່ຽວຜັກບົ່ວແລ້ວ ກໍ່ໃຫ້ປູກຜັກສະຫຼັດຫຼືີຜັກກາດໃສ່, ເມື່ອເຮົາເກັບກ່ຽວຜັກສະຫຼັດຫຼືີຜັກກາດແລ້ວກໍ່ໃຫ້ປູກຜັກຫອມປ້ອມຫຼືຜັກຊີ...ເປັນຕົ້ນ, ບໍ່ຄວນປູກຜັກຊະນິດດຽວໃສ່ພື້ນທີ່ດຽວຊ້ຳໆກັນເພາະຈະເຮັດໃຫ້ໂຣກແລະສັດຕູພືດແຜ່ຂະຫຍາຍໄວ”

ການເກັບກ່ຽວ
+ຖ້າເອົາຫົວພັນປູກແມ່ນອາຍຸ 20 – 25 ວັນນັບຈາກມື້ປູກກໍ່ສາມາດເກັບກ່ຽວໃດ້
+ຖ້າເອົາເມັດພັນປູກແມ່ນອາຍຸ 40 – 45 ວັນນັບຈາກມື້ກ້າເບ້ຍຈຶ່ງສາມາດເກັບກ່ຽວໃດ້
+ບໍ່ຄວນຫົດໜານກ່ອນຫຼົກຜັກ ແລະເວລາລ້າງກໍ່ບໍ່ຄວນໃຫ້ໃບປຽກ (ເອົາແຕ່ສ່ວນຫົວຜັກຈູ່ມນ້ຳລ້າງຂີ້ດິນອອກກໍ່ພໍ) ເພາະຈະເຮັດໃຫ້ຜັກຫ່ຽວໄວ
+ຄວນເກັບກ່ຽວໃນຕອນທີ່ມີແສງແດດອ່ອນ

ຂຽນໂດຍ: ສີປະເສີດ ແກ້ວພູມເດດ (ຄັດຈາກຕຳລາຮຽນແລະຂໍມູນບາງສ່ວນຈາກinternet)
https://www.facebook.com/sps.kpd
http://sipaseuth.blogspot.com/
ຮູບພາບປະກອບ: internet

ການໝັກຈຸລິນຊີໜໍ່ກວ້ຍ

      ການໝັກຈຸລິນຊີໜໍ່ກວ້ຍ
      I. ບໍລິເວນໃດທີ່ມີຕົ້ນກ້ວຍດິນບໍລິເວນນັ້ນຈະດີ, ດິນຜຸຜຸ່ຍ, ອຸ້ມນ້ຳໃດ້ດີຊຶ່ງທັງເມິດນີ້ແມ່ນເກີດຈາກຈຸລິນຊີດິນທີ່ຢູ່ຕາມຮາກກ້ວຍ, ຍ້ອນແນວນັ້ນເຮົາຈຶ່ງຕ້ອງການຂະຫຍາຍຈຸລິນຊີນີ້ເພື່ອໄປໃຊ້ປັບປຸງດິນບ່ອນອື່ນ
      II. ວິທີເຮັດ      
      ຂຸດເອົາເຫງົ້າກ້ວຍທີ່ສົມບູນ ບໍ່ມີພະຍາດແລະໃຫ້ມີດິນຕິດນຳ ລວງສູງຈາກເຫງົ້າຮອດປາຍໃບແມ່ນປະມານ1ແມັດ.ສັບທັງເຫງົ້າ, ໃບ, ຢວກແລະຮາກໃຫ້ເປັນຕ່ອນນ້ອຍໆແລ້ວເອົາມາຄົນກັບກາກນ້ຳຕານໃນອັດຕາສ່ວນ 1 ຕໍ່ 3 ຄື ເຫງົ້າ, ໃບ, ຢວກແລະຮາກກ້ວຍ3ສ່ວນຕໍ່ກາກນ້ຳຕານ1ສ່ວນ. ຄົນໃຫ້ເຂົ້າກັນໝັກໃສ່ໃນຖັງຢາງ ອັດຝາໃຫ້ແຈບ ປະໃວ້ປະມານ7ວັນແລ້ວຕອງເອົາແຕ່ນ້ຳເກັບໃວ້
      III. ວິທີໃຊ້
          > ປັບປຸງໂຄງສ້າງແລະກຳຈັດເຊື້ອໂຣກໃນດິນ: ຜະສົມຈຸລິນຊີໜໍ່ກວ້ຍ20-40ຕໍ່ນ້ຳ20ລິດ
          > ປ້ອງກັນໂຣກພືດ: ຜະສົມຈຸລິນຊີໜໍ່ກວ້ຍ20-40ຕໍ່ນ້ຳ20ລິດ
          > ປັບປຸງຄຸນນະພາບນ້ຳ: ຜະສົມຈຸລິນຊີໜໍ່ກວ້ຍ1ລິດຕໍ່ນ້ຳ10000ລິດ
          > ລ້າງຄອກສັດ: ຜະສົມຈຸລິນຊີໜໍ່ກວ້ຍ1ລິດຕໍ່ນ້ຳ100ລິດ
          > ເລັ່ງການຍ່ອຍສະຫຼາຍຂອງອິນຊີວັດຖຸຫຼືດັບກິ່ນເໝັນຂອງຂີ້ເຫຍື່ອ: ຜະສົມຈຸລິນຊີໜໍ່ກວ້ຍ1ລິດຕໍ່ນ້ຳ100ລິດ

      ລວບລວມຂໍ້ມູນຈາກ: internet

      ຮຽບຮຽງໂດຍ: ສີປະເສີດ ແກ້ວພູມເດດ https://www.facebook.com/sps.kpd

ວິທີເຮັດນ້ຳໝັກຊີວະພາບ

ວິທີເຮັດນ້ຳໝັກຊີວະພາບ       
I. ອຸປະກອນ
ມີດ, ກະຖັງຫຼືກະຕຸກຢາງຂະໜາດ 20 ລິດ
II. ສ່ວນປະສົມ
ສາມາດໃຊ້ພືດທີ່ຍັງຂຽວສົດ ບໍ່ເປັນພະຍາດ, ໝາກໄມ້ສຸກ, ສັດ (ຫອຍເຊີຣີ ), ເລືອກເອົາຢ່າງໃດຢ່າງໜຶ່ງ, ກາກນ້ຳຕານຫຼືນ້ຳຕານຊາຍປະສົມນ້ຳໝາກພ້າວ, ນ້ຳສະອາດ   
III. ບໍລິມາດ
3-1-10 ຄື ພືດຫຼືໝາກໄມ້ສຸກຫຼືຫອຍເຊີຣີ3 ສ່ວນ, ກາກນ້ຳຕານຫຼືນ້ຳຕານຊາຍປະສົມນ້ຳໝາກພ້າວ1 ສ່ວນ,ນ້ຳສະອາດ10 ສ່ວນ   
IV. ວິທີເຮັດ
ສັບພືດຫຼືໝາກໄມ້ສຸກໃຫ້ເປັນຕ່ອນນ້ອຍໆ ຖ້າໃຊ້ຫອຍເຊີຣີແມ່ນບໍ່ສັບກໍ່ໃດ້, ແລ້ວເອົາສ່ວນປະສົມທັງເມິດມາຄົນໃຫ້ເຂົ້າກັນ, ໝັກໃວ້ໃນພາຊະນະບັນຈຸທີ່ກຽມໃວ້ແລ້ວອັດຝາໃຫ້ແຈບ,ໝັກໃວ້ປະມານ 90 ວັນແລ້ວຈຶ່ງສາມາດນ້ຳໃຊ້ໃດ້      
V. ໝາຍເຫດ
1. ໃນລະຫວ່າງໝັກໃຫ້ໝັ່ນເປີດຝາກະຖັງຫຼືກະຕຸກທຸກໆອາທິດຫຼືເມື່ອສັງເກດເຫັນກະຖັງຫຼືກະຕຸກມັນປຸ້ງຜິດປົກກະຕິ
2. ຖ້າຕ້ອງການໝັກນ້ຳໝັກຊີວະພາບເພື່ອໃຊ້ບຳລຸງໃບແມ່ນໃຫ້ເລືອກໃຊ້ສ່ວນໃບຍອດອ່ອນຂອງພືດມາໝັກ
3. ຖ້າຕ້ອງການໝັກນ້ຳໝັກຊີວະພາບເພື່ອໃຊ້ບຳລຸງໝາກແມ່ນໃຫ້ໃຊ້ໝາກສຸກມາໝັກ
4. ຖ້າຕ້ອງການໝັກນ້ຳໝັກຊີວະພາບເພື່ອໃຊ້ປ້ອງກັນສັດຕູພືດໃຫ້ເອົາໃບກະເດົາ, ສີໄຄ, ຂ່າ...ມາໝັກ    
VI. ປະລິມານນຳໃຊ້
1. ໃຊ້ບຳລຸງໝາກແລະໃບ: ນ້ຳໝັກ10cc/ນ້ຳ20ລິດ
2. ໃຊ້ປັບປຸງດິນ: ນ້ຳໝັກ15-20cc/ນ້ຳ20ລິດ
3. ໃຊ້ປ້ອງກັນສັດຕູພືດ:ນ້ຳໝັກ1ສ່ວນ/ນ້ຳ1ສ່ວນ
ລວບລວມຂໍ້ມູນຈາກ: internet
ຮຽບຮຽງໂດຍ: ສີປະເສີດ ແກ້ວພູມເດດ ( https://www.facebook.com/sps.kpd )

ຮໍໂມນເລັ່ງການຈະເລີນເຕີບໂຕຂອງພືດ

ຂໍຂອບໃຈຂໍ້ມູນດີໆຈາກ: ສພກຍສ

ປົກປັກຮັກສາດິນປູກຝັງ - ການຄຸມດິນ

ຂອບໃຈຂໍ້ມູນດີໆຈາກ

ຢາປາບສັດຕູພືດ

ຂໍຂອບໃຈຂໍ້ມູນດີໆຈາກ:

                                       

ການປູກດອກດາວເຮືອງໃຫ້ໃດ້ຮັບຜົນດີ (ຕອນທີ1)

   

ຄວນ​ໄຖ​ດິນແລ້ວ​ຫວ່ານຝຸ່ນ​ຄອກ ຫລື ປຸ໋ຍ​ຫມັກ​ລົງ​ໄປປະ­ມານ 1 ໂຕນ​ຕໍ່​ໄລ່ ຈາກ​ນັ້ນ​ໃຫ້ຍົກ​ຮ່ອງ​ຫນານ​ປູກ​ກວ້າງ 1 ແມັດ ແລະ ຫົດ​ນ້ຳ​ຫນານ​ໄວ້ລ່ວງ​ຫນ້າ 1 ວັນ, ຫລັງ​ຈາກ​ນັ້ນ ກໍ່​ຂຸດ​ຂຸມ​ກວ້າງ 15 ຊັງ​ຕີ​ແມັດ ແລະ ເຮັດ​ຫນານ​ລະ 3 ແຖວ, ໄລ­ຍະ​ລະ­ຫວ່າງ​ແຖວ​ແມ່ນ 30 ຊັງ​ຕີ​ແມັດ, ໄລ­ຍະ​ລະ­ຫວ່າງ​ຕົ້ນ 30 ຊັງ​ຕີ​ແມັດ ແລ້ວ​ໃສ່​ປຸ໋ຍ​ສູດ 15-15-15 ປະ­ມານ 1 ບ່ວງ​ຊາ ເພື່ອ​ຮອງ​ກົ້ນ​ຂຸມຈາກ​ນັ້ນ​ໃຊ້​ດິນບໍ­ລິ­ເວນ​ຂ້າງ​ຂຸມ​ຖົມ​ລົງ​ໄປ​ເລັກນ້ອຍ ເພື່ອ​ປ້ອງ​ກັນ​ບໍ່​ໃຫ້​ຮາກດອກ​ດາວ­ເຮືອງ ສໍາ­ຜັດ​ກັບ​ປຸ໋ຍໂດຍ​ກົງ, ຫລັງ​ຈາກ​ນັ້ນ ໃຫ້​ນໍາເອົາ​ຕົ້ນ​ກ້າ​ທີ່​ມີ​ອາ­ຍຸ 7-10 ວັນ (ນັບ​ຈາກ​ມື້​ເພາະ​ເມັດ) ໂດຍຖອນ​ຕົ້ນ​ກ້າ​ໃຫ້​ມີ​ດິນ​ຕິດ​ຫຸ້ມ​ມານໍາ ເພື່ອ​ປ້ອງ​ກັນ​ຮາກ​ກະ­ທົບ​ກະເທືອນ​ນໍາ​ມາ​ປູກ​ໃນ​ແຕ່​ລະ​ຂຸມທີ່​ກຽມ​ໄວ້ ແລະ ຫົດ​ນ້ຳ​ໃຫ້​ຊຸ່ມ ພ້ອມ​ທັງ​ຫົດ​ນ້ຳ​ເຊົ້າ-ແລງ​ປະມານ 7 ວັນ ເຊິ່ງ​ຕົ້ນ​ກ້າ​ຈະ​ຕັ້ງ​ຕົວໄດ້​ດີແລ້ວ​ຈິ່ງ​ຫົດ​ພຽງ​ວັນ​ລະ 1 ຄັ້ງ​ໃນ​ຕອນ​ເຊົ້າ (ໃນ​ໄລ­ຍະ​ທີ່ດອກ​ດາວ­ເຮືອງ​ເລີ່ມ​ບານ​ບໍ່ຄວນຫົດ​ນ້ຳ​ໃຫ້​ຖືກ​ດອກ ເພື່ອປ້ອງ​ກັນ​ດອກ​ເປັນ​ພະ­ຍາດ). 
   ຫລັງ​ຈາກ​ການ​ປູກ​ດອກດາວ­ເຮືອງ​ໄດ້ 15 ແລະ 25 ວັນ ຄວນ​ໃສ່​ປຸ໋ຍ​ສູດ15-15-15 ໃນ​ປະ­ລິ­ມານ 1 ບ່ວງ​ຕໍ່​ຕົ້ນ, ເມື່ອ ໄດ້ 35-45 ວັນ ໃສ່​ປຸ໋ຍ​ສູດ 12-24-12 ໃນ​ປະ­ລິ­ມານ​ດຽວ​ກັນ ໂດຍ​ວິ­ທີ​ການ​ຝັງ​ລົງ​ດິນ​ຕື້ນໆ ຫ່າງ​ຈາກ​ລໍາ­ຕົ້ນ​ປະ­ມານ 20 ຊັງ​ຕີ​ແມັດ ຫລື ຝ່າ­ມື​ຫນຶ່ງ ແລ້ວຫົດ​ນ້ໍາໃຫ້​ຊຸ່ມ​ທຸກໆ​ຄັ້ງ​ທີ່​ໃສ່​ປຸ໋ຍ,  ໃນ​ໄລ­ຍະ​ທີ່​ດອກ​ດາວ­ເຮືອງ​ໄດ້ 21-25 ວັນ ເຊິ່ງ​ເປັນ​ໄລ­ຍະ​ທີ່ຕົ້ນ​ມີ​ໃບ​ແທ້​ຂະ­ຫນາດ​ໃຫຍ່​ປະມານ 4 ຄູ່ ແລະ ສ່ວນ​ຍອດ​ຈະ​ມີໃບ​ນ້ອຍໆ1-2 ຄູ່, ດັ່ງ­ນັ້ນ ຈະຕ້ອງ​ເດັດ​ຍອດ​ຖິ້ມ ເພື່ອ​ໃຫ້​ແຕກກິ່ງ​ຂ້າງ​ໃຫມ່ (ສໍາ­ລັບ​ການ​ເດັດຍອດ​ດອກ​ດາວ­ເຮືອງ​ຄວນ​ເດັດໃນ​ຕອນ​ເຊົ້າ ເນື່ອງ​ຈາ​ກວ່າ​ດອກດາວ­ເຮືອງ​ຈະ​ອົມ​ນ້ໍາ) ໂດຍ​ໃຊ້ມື​ຊ້າຍ​ຈັບ​ຄູ່​ໃບ​ເທິງ​ສຸດ​ທີ່​ປະ​ໄວ້ແລ້ວ​ໃຊ້​ມື​ຂວາ​ດຶງ​ສ່ວນ​ຍອດ​ລົງທາງ​ດ້ານ​ຂ້າງ​ຈົນ​ຫລຸດ​ອອກມາ, ຫລັງ​ຈາກ​ນັ້ນ 5-7 ວັນ ຕາ​ຂ້າງ​ຈະ​ເລີ່ມ​ແຕກ ແລະ ຈະເລີນ​ເປັນ​ກິ່ງ​ໃຫມ່ ເຊິ່ງ​ຈະ​ຕິດ​ຕຸ່ມດອກ​ທັງ​ທີ່​ຕາ​ຍອດ​ປາຍ​ກິ່ງ ແລະ  ຕາ​ຂ້າງ.

ໃນ​ເມື່ອ​ປູກ​ໄດ້ 40-45 ວັນ, ກິ່ງ​ແຕ່​ລະ​ກິ່ງ​ຈະ​ເລີ່ມ​ອອກ­ດອກ ເມື່ອ​ດອກ​ຍອດ​ມີ​ຂະ­ຫນາດ​ເທົ່າກັບ​ເມັດ​ສາ­ລີ, ສ່ວນ​ດອກ​ຂ້າງມີ​ຂະ­ຫນາດ​ເທົ່າ​ກັບ​ເມັດ​ຖົ່ວຂຽວ ຕ້ອງ​ຟ້າວ​ປິດ​ດອກ​ຂ້າງອອກ​ໃຫ້​ຫມົດ​ພາຍ​ໃນ 2-3 ວັນ ໃຫ້​ເຫລືອ​ແຕ່​ດອກ​ຍອດ​ໄວ້​ດອກດຽວ ເພື່ອ​ໃຫ້​ດອກ​ມີ​ຂະ­ຫນາດໃຫຍ່ ຈາກ​ນັ້ນ ປະ­ມານ 20 ວັນ (ລວມ​ແລ້ວ​ປະ­ມານ 60-65 ວັນ) ກໍ່​ຕັດ​ດອກ​ໄປ​ຈໍາ­ຫນ່າຍ​ໄດ້ ເຊິ່ງ​ຈະ​ໄດ້​ປະ­ມານ 10-12 ດອກ​ຕໍ່​ຕົ້ນ. 
   ດອກ​ດາວ­ເຮືອງ ເປັນ​ພືດ​ທີ່ມັກ​ນ້ໍາ​ຫລາຍ​ຢູ່​ແລ້ວ ແຕ່​ໃນ​ລັກສະ​ນະ​ໃຫ້​ຫນ້ອຍໆ ແຕ່​ໃຫ້​ດົນໆ ແລະ ມັກ​ຄວາມ​ຊຸ່ມ​ຊື່ນ ແຕ່​ບໍ່​ມັກ ໃຫ້​ນ້ໍາ​ຂັງ ຫລື ຖ້ວມ ສໍາລັບ​ໄລຍະ​ການ​ຈະ­ເລີນ​ເຕີບ​ໂຕ​ການ​ໃຫ້ນ້ຳ​ດອກ​ດາວ­ເຮືອງ​ຄວນ​ຈະ​ໃຫ້ທຸກໆ 7 ວັນ​ຕໍ່ 1 ຄັ້ງ ອັນ​ນີ້​ແມ່ນຂຶ້ນ​ຢູ່​ກັບ​ສະ­ພາບ​ແວດ​ລ້ອມ ແລະ ໃນ​ໄລ­ຍະ​ກ່ອນ​ຈະ​ຕັດ​ດອກ​ຄວນໃຫ້​ນ້ໍາ​ກ່ອນ​ຕັດ 2 ວັນ ຖັດ​ໄປ​ເປັນມື້​ທີ 3 ຈິ່ງ​ຕັດ ຖ້າ​ປະ­ຕິ­ບັດ​ຕາມນີ້​ຈະ​ໄດ້​ດອກ​ໃຫຍ່​ບໍ່​ແຫ່ວ​ງ່າຍ ແລະ ການ​ໃຫ້​ປຸ໋ຍ ຖ້າ​ເປັນ​ລະ­ດູຫນາວ ຫລັງ​ຈາກ​ທີ່​ຍ້າຍ​ປູກແລ້ວ​ຄວນ​ໃສ່​ປຸ໋ຍ​ສູດ 46-0-0ປະ­ສົມ​ໃນ​ປະ­ລິ­ມານ 1 ກິ​ໂລກຣາມ​ຕໍ່​ນ້ຳ 100 ລິດ ເຊິ່ງ​ຄວນໃຫ້​ປຸ໋ຍ​ຕົ້ນ​ດອກ​ດາວ­ເຮືອງ​ຕິດ­ຕໍ່ກັນ 2 ຄັ້ງ ໂດຍ​ຄັ້ງ​ທີ 1 ແລະ 2 ຫ່າງ​ກັນ 7-10 ວັນ.

ຂໍຂອບໃຈຂໍ້ມູນຈາກ : http://bandon.ueuo.com
ຮູບພາບປະກອບ : internet

ຜັກ

ຜັກ ແມ່ນພືດທີ່ຄົນເຮົາເອົາສ່ວນໃດສ່ວນໜຶ່ງຂອງມັນມາກິນເຊັ່ນ : ໝາກ, ໃບ, ຮາກ, ດອກ ຫຼື ລຳຕົ້ນມາປຸງແຕ່ງເປັນອາຫານຫຼືກິນສົດໆກໍ່ໃດ້,ເຊິ່ງບໍ່ນັບລວມໝາກໄມ້, ໝາກຖົ່ວ, ແລະເຄື່ອງເທດ. ແຕ່ເຫັດ ໃນທາງຊີວະວິທະຍາຈັດເປັນພວກເຫັດຣາ ແມ່ນນັບລວມເປັນຜັກນຳ.

ຫຼາຍບ້ານຫຼາຍເຮືອນມັກຈະປູກຜັກໄວ້ເພື່ອກິນພາຍໃນຄົວເຮືອນ ເອີ້ນວ່າຜັກສວນຄົວ ຫຼື ບາງເທື່ອກໍ່ເພື່ອເປັນໄມ້ປະດັບ, ໃຊ້ພື້ນທີ່ໃນການປູກບໍ່ຫຼາຍ. ພືດຜັກສ່ວນຫຼາຍແມ່ນພືດທີ່ມີອາຍຸສັ້ນ, ແຕ່ຜັກບາງຊະນິດອາດມີອາຍຸຫຼາຍກວ່າ 1 ປີ.

ຜັກອຸດົມໄປດ້ວຍໃຍອາຫານແລະວິຕາມິນຫຼາຍຊະນິດທີ່ມີປະໂຫຍດຕໍ່ຮ່າງກາຍ, ດັ່ງນັ້ນຄົນຈຶ່ງນິຍົມກິນຜັກ

ປະໂຫຍດຂອງຜັກນອກຈາກຈະສະໜອງໃຍອາຫານແລະວິຕາມິນທີ່ຈຳເປັນຕໍ່ຮ່າງກາຍແລ້ວ ມັນຍັງຊ່ວຍເພີ່ມລົດຊາດອາຫານໃຫ້ຫຼາກຫຼາຍອອກໄປ, ຊ່ວຍດັບກິ່ນຄາວແລະເພີ່ມກິ່ນຫອມຂອງຊີ້ນ, ປາ...ໃຫ້ເມນູອາຫານຂອງເຮົາ

ໃຍອາຫານທີ່ມີຢູ່ໃນຜັກ ຈະຊ່ວຍດູດຊຶມໃຂມັນໃນອາຫານ, ດູດເອົາທາດນ້ຳຕານ ແລະຊ່ວຍເລື້ອງລະບົບຂັບຖ່າຍ...

ຜັກກໍ່ເປັນພືດເສດຖະກິດທີ່ສຳຄັນ, ຍ້ອນຜັກເປັນພືດອາຍຸສັ້ນ, ໃຊ້ເວລາໃນການປູກພຽງແຕ່ 1-2 ເດືອນກໍ່ສາມາດເກັບກ່ຽວໃດ້ ດັ່ງນັ້ນໃນປີໜຶ່ງຂຶ່ງສາມາດປູກໃດ້ຫຼາຍລະດູ, ລາຄາຜັກກໍ່ສູງສາມາດແກ້ໃຂເສດຖະກິດຄອບຄົວໃດ້
https://www.facebook.com/sps.kpd
http://sipaseuth.blogspot.com

ທະນາຄານເວລາ

ທ່ານລອງຈິນຕະນາການເບິ່ງວ່າ ມີທະນາຄານແຫ່ງໜຶ່ງເຂົ້າບັນຊີໃຫ້ທ່ານທຸກເຊົ້າເປັນຈຳນວນເງິນ 86,400 ກີບ, ແຕ່ບໍ່ມີການບວກຍອດຄົງເຫຼືອໄປສູ່ມື້ຕໍ່ໄປ ໝາຍຄວາມວ່າຖ້າທ່ານໃຊ້ເງິນ 86,400 ກີບບໍ່ເມິດໃນມື້ນັ້ນກໍ່ສະແດງວ່າທ່ານຫຼູບທຶນ

ທ່ານຈະເຮັດແນວໃດກັບເງິນດັງກ່າວ?

ແນ່ນອນ ທ່ານຕ້ອງຖອນເງິນ 86,400 ກີບ ອອກຈາກບັນຊີ້ໃຫ້ເມິດໃນແຕ່ລະມື້

ໃນຊີວິດຈິງທ່ານກໍ່ມີທະນາຄານແບບນັ້ນ ແຕ່ທະນະຄານນັ້ນເຂົ້າບັນຊີໃຫ້ທ່ານເປັນເວລາມື້ລະ86,400 ວິນາທີ ແລະຈະບໍ່ມີການບວກຍອດຄົງເຫຼືອໄປສູ່ມື້ຕໍ່ໄປ ໝາຍຄວາມວ່າຫຼັງທ່ຽງຄືນເວລາໃນມື້ນີ້ຂອງທ່ານຈະຖືກລົບແລະທະນະຄານນັ້ນຈະເຂົ້າບັນຊີໃຫ້ທ່ານເປັນເວລາມື້ລະ86,400ວິນາທີອີກ

ແລ້ວທ່ານຈະໃຊ້ເວລາ86,400ວິນາທີທີ່ທ່ານໃດ້ຝຣີໆມານີ້ເພື່ອເຮັດຫຍັງແນ່?

ທ່ານເຄີຍຖາມໂຕເອງແລ້ວບໍ່ວ່າມື້ນີ້ທ່ານໃດ້ເຮັດຫຍັງແນ່ໃຫ້ໂຕທ່ານເອງແລະຄົນທີ່ທ່ານຮັກ?

ມີໃຜຕອບທ່ານໃດ້ບໍ່ວ່າທ່ານຍັງມີເວລາເຫຼືອຢູ່ອີກຈັກວິນາທີ?

ຜ່ານມາທ່ານໃດ້ເຮັດໃນສິ່ງທີ່ທ່ານຢາກເຮັດແລ້ວບໍ່?

ຕອນນີ້ທ່ານຄິດໃວ້ແລ້ວບໍ່ວ່າມື້ອື່ນທ່ານຈະເຮັດຫຍັງ?

ຖ້າທ່ານໃດ້ອ່ານແລະຕອບຄຳຖາມຂ້າງເທິງເມິດແລ້ວ ກໍ່ໃຫ້ທ່ານແນມເບິ່ງເວລາຂອງຄົນທີ່ທ່ານຮັກອີກແນ່ເດີ!!
ຂຽນໂດຍ: ສີປະເສີດ ແກ້ວພູມເດດ

ສາເຫດທີ່ເຮັດໃຫ້ຜັກເປື່ອຍໃນລະດູຝົນ

ສາເຫດທີ່ເຮັດໃຫ້ຜັກເປື່ອຍໃນລະດູຝົນ

• ນ້ຳຝົນທີ່ຕົກລົງມາຈະນຳເອົາສປໍຂອງເຊື້ອຣາທີ່ພັດປິວຢູ່ເທິງອາກາດລົງມານຳ ເຮັດໃຫ້ເກີດໂຣກລະບາດຕ່າງໆທີ່ມີຕົ້ນເຫດຈາກເຊື້ອຣາເຊັ່ນໂຣກຮາກເນົ່າ, ໂຄນຕົ້ນເນົ່າ...
• ໂຣກຮາກເນົ່າ, ໂຄນຕົ້ນເນົ່າ ແມ່ນເກີດຈາກເຊື້ອຣາຫຼາຍຊະນິດເຊັ່ນ: Phytopthora, Pytium spp, Fusarium spp, Rhizogtonia spp, Stentium spp.
• ວິທີ່ປ້ອງກັນ

ຫຼີກລຽງບໍ່ໃຫ້ຕົ້ນຜັກຖືກນ້ຳຝົນຢ່າງເດັດຂາດ, ໃນລະດູຝົນກໍ່ຄວນປູກຜັກໃນເຮືອນຮົ່ມ
ຂຽນໂດຍ: ທ ສີປະເສີດ ແກ້ວພູມເດດ
(https://www.facebook.com/louy1991)